Әтнәдә иң яхшы күрсәткечләргә ирешкән шоферлар белән таныштырабыз

Һәр елны, октябрь аеның соңгы якшәмбесе көнне, безнең илебездә транспорт хезмәткәрләре көне билгеләнеп үтә. Шушы матур, истәлекле бәйрәмегез белән сезне. Хәвеф-хәтәрсез юллар, сәламәтлек телибез, имин юллар насыйп булсын һәркемгә дә!

Быелгы бөртекле-кузаклылар уңышын һәм терлек азыгын ташуда иң яхшы күрсәткечләргә ирешкән шоферлар белән таныштырабыз.

Әлеге исемлекне районның авыл хуҗалыгы һәм азык-төлек идарәсе тәкъдим итте.
1. “Мәңгәр” җитештерүче авыл хуҗа­лыгы кооперативыннан Салават Сафин  “КамАЗ” машинасында урып-җыю башыннан 10449 тонна йөк ташыды, башкарган эше 88909 тн/км тәшкил итте.
2. “Тукай” җаваплылыгы чикләнгән җәмгыяте шоферы Рәсим Гыйниятуллин  “КамАЗ” машинасында 7261 тонна йөк ташып, 83557  тонна/км эш башкарды.
3. “Таң” җитештерүче авыл хуҗалыгы кооперативы шоферы Марс Насыйбуллин  “КамАЗ” машинасында урып-җыю чоры башланганнан бирле 10206 тонна йөк ташыды – барысы 71636 тн/км эш башкарды.
4. “Күшәр” җитештерүче авыл хуҗалыгы кооперативында эшләүче Илнур Тимриев  “КамаЗ” белән 8448 тонна йөк ташыды, 66509 тн/км эш башкарды.
5. “Шахтер” җаваплылыгы чик­ләнгән җәмгыяте шоферы Марат  Сәмигуллин урып-җыю башыннан алып 7619 тонна йөк ташып, 98443 тн/км эш башкарды.
6. Җаваплылыгы чикләнгән “Уңыш” җәмгыяте агрофирмасы шоферы Динар  Таһиров “КамАЗ” машинасында 7221 тонна йөк ташыды һәм 70999 тн/км эш башкарды.
7.  Җаваплылыгы чикләнгән “Уңыш” җәмгыяте агрофирмасыннан Фәнис  Шиһа­бетдинов 6859 тонна йөк ташып, 67467 тн/км эш башкарды.