Әтнәдә пенсиягә китүче салкын душ кабул итте

Әнә шулай традициягә тугры калып, аны зурлап пенсиягә озаттылар. Башта смена тезелеп, каравыл начальнигын алга чыгарып котладылар, бүләкләделәр. Афәрин! Бик күңелле, истә калырлык чара оештырганнар.
Бүлек начальнигы вазифасын башкаручы Габделнур Абдуллин Искәндәр Хадиевнең күпьеллык нәтиҗәле хезмәт башкаруын, югары профессиональлеген, үз эшенең чын остасы булуын билгеләде.
Гадәттә, без, янгын сүндерүчеләрнең кырыслыгын, төгәллеген, аз сүзлелеген күреп ияләнгән. Юк, искиткеч шат, ихлас бәйрәм итә дә белә алар. Монысын видеодан һәм фотолардан күреп тә белә аласыз.