Бер төн эчендә Россия төбәкләрендә Украинаның 52 пилотсыз очкычы юк ителгән

Һава һөҗүменнән саклану системасы Россия төбәкләрендә Украинаның 52 пилотсыз очкычын юк иткән. Бу хакта РФ Саклану министрлыгына сылтама белән «Российская газета» яза.

Брянск өлкәсендә – 18 Краснодар краенда – 15, Ростов өлкәсендә – тугыз, Орел өлкәсендә – дүрт, Белгород һәм Әстерхан өлкәләрендә өчәр пилотсыз очу аппараты бәреп төшерелгән.

Кичә кич Белгород өлкәсе губернаторы Вячеслав Гладков төбәкнең массакүләм һөҗүмгә дучар булуы турында хәбәр иткән иде. Аның сүзләренчә, Украина Кораллы көчләре Американың HIMARS реактив системасын кулланган. Нәтиҗәдә, энергетика объектлары зыян күргән.

Тулырак