Фирдүс Тямаев булачак киленен очраткан
Татарстанның атказанган артисты Фирдүс Тямаев Башкортстанның Яркәй авылында концерт куйганда кечкенә кыз белән танышкан. Бу хакта ул социаль челтәрдә язган.
– Син мине онытмадыңмы? – ди Тямаевка бүләк биргән кыз. Җырчы, аңламыйча, кыз алдында тезләнә:
– Искә төшер әле, – ди Фирдүс.
– Мин синең концертыңда җырлаган идем, – дип җавап бирә яшь кыз һәм такмаклап:
– Агыйделдән агып бара бер солдатның шинеле
Алла бирса, үзем булам Тямаевның килене, – дип әйтә.
Фирдүс Тямаев кызны кочаклап:
– Сеңлем, килештек, син миңа килен буласың. Белгән булсам, зур малайны алып кереп, шунда ук никахын да уздыра идек, – ди җырчы.
Алга таба ул кыз биргән бүләкне карый башлый. Сумкада каймак, эремчек, катык килеп чыга.
– Никахны бүген генә укытыйкмы соң? – дип аптырап куя Тямаев.
Тамашачылар алкышлый, көлгән тавышлар ишетелә. «Эчең китмәсен», – дигән тавышка җырчы: «Эчең пошмасын», – дип җавап кайтара.
Комментарийларда халык үз фикерен язган: «Сезнең концертны карарга Уфадан килдек. Бер хыялым тормышка ашты. Рәхәтләнеп ял иттем. Концерт эчтәлекле, матур, көчле булды. Каян аласыз шул тиклем энергияне? Сөйләргә дә, биергә дә, җырларга да, көлдерергә дә, елатырга да җиткерәсез шул энергиягезне. Уңышлар, тазалык, гаилә бәхете сезгә», «шәп инде, киленең синең янга утырды», «концерт шәп», – дип язганнар.
Следите за самым важным и интересным в Telegram-каналеТатмедиа
Нет комментариев