Гаилә ипотекасы шартларын үзгәртү 1 октябрьгә кадәр кичектерелде

«Бу датага кадәр «Гаилә ипотекасы» программасы буенча барлык шартлар үзгәрешсез саклана», – дип ассызыкладылар финанс ведомствосы матбугат хезмәтендә.

Upd. (19.22): 1 июльдән гаилә ипотекасы шартлары саклануын РФ вице-премьеры Марат Хөснуллин да раслады, Россия Президенты Владимир Путин кушуы буенча профильле структуралар программа кагыйдәләрен яңарту өстендә эшләвен дәвам итә, дип ышандырды.

«Фикер алышулар күп булды, әмма 1 июльдән шартлар элеккечә кала, әлегә берни дә үзгәрмәячәк дип әйтә алам», – дип язды Хөкүмәт Рәисе урынбасары МАКСтагы блогында.

Хөснуллин сүзләренчә, төрле вариантлар эшләнә. «Безнең бурыч – ярдәмнең адреслылыгын арттыру һәм демографиягә уңай йогынты ясау», - дип ассызыклады ул.

Элегрәк РФ Төзелеш министрлыгы гаилә ипотекасы кагыйдәләрен бала табуны стимуллаштыру өчен 1 июльдән үзгәртәчәкләр дип белдергән иде. Ташламалы ставканың гамәлдә булу вакытын, «Известия» газетасы мәгълүматлары буенча, 15 елга кадәр кыскартырга планлаштырганнар.

Татар-информ