Геленджикка дошман пилотсыз очкычы һөҗүме нәтиҗәсендә дүрт бала һәлак булган
Дошман пилотсыз очкычының Геленджикка һөҗүме нәтиҗәсендә һәлак булган балалар саны дүрткә җиткән. РФ Президенты каршындагы бала хокуклары буенча вәкаләтле вәкиле Мария Львова-Белова шулай дип белдерде. Бу хакта ТАСС агентлыгы хәбәр итә.
«Коточкыч фаҗига. Украина агрессиясе. Хәзерге вакытта дүрт баланың һәлак булуы билгеле, өчесе хастаханәдә. Бер балага операция ясалган, калган икесе тикшерелә – алар төрле тән җәрәхәтләре алган», – диде балалар омбудсмены.
Искәртеп үтәбез, фаҗига Краснодар краеның Геленджик курорт-шәһәренә керүче Архипо-Осиповка авылында булган. Башта алты кешенең һәлак булуы турында хәбәр ителгән иде, аннары аларның саны җидегә җитте. Зыян күрүчеләр саны 47дән 58гә кадәр арткан.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев