«Ягымлы яз»да катнашып Әтнә авыл хуҗалыгы техникумы студентлары җиңү яулады

 XXXI Татар милли мәдәнияте яшьләр фестивалендә катнашып, Габдулла Тукай исемендәге Әтнә авыл хуҗалыгы техникумы студентлары зур уңышка иреште. Мостафина Азалия, Сираҗиев Дияз дуэты II дәрәҗә, «Яшьлек» вокаль ансамбле III дәрәҗә, вокал соло номинациясендә Камалиев Иниль, Мостафина Азалия III дәрәҗә, Аглиуллин Инсаф, Сираҗиев Дияз дуэты III дәрәҗә, Аглиуллин Инсаф вокал соло номинациясендә I дәрәҗә лауреат исеменә лаек булдылар. «Әтнә егетләре» ансамбле III дәрәҗә дипломант исеме алды.

Бу юнәлештә укучылар белән күп еллар дәвамында даими эшләүче техникумыбызның сәнгать җитәкчесе Габделәхәт Шакиров тырышлыгы нәтиҗәсе бу.