Иске Өҗем авыл клубында «Авыл тарихы» музей почмагы булдырганнар

Иске Өҗем авыл клубында хезмәткәрләр инициативасы, авыл халкы ярдәме белән музей оештырганнар. Музей ул - үзе бер дөнья, анда халкыбызның үткән тормышын, мәдәнияте һәм сәнгатенең үсешен, фәнни һәм техник үзгәрешләрне, гомүмән тарихны барларга мөмкин.

 – Авыл клубының ул почмагында фельдшер акушерлык пункты иде. Яңа ФАП төзелгәч ул бүлмә буш калды. Үткәнебезне киләчәккә күрсәтү  максатыннан ниятләп, музей почмагы булдырдык. "Авыл тарихы" музей почмагы әкренләп экспонатларга тулыландырыла. Киләчәктә тагын да тулыланыр, тагын да баетылыр дип ышанам, – диде Гөлфия Шакирова.

Чыннан да, яхшы гамәл булган бу. Киләчәк буынга халкыбызның, авыл халкының тормышын чагылдарган музей булдыру, мактауга лаеклы гамәл.