Югары Сәрдәдә мәчет ремонтлана
Бүгенге көндә Казан шәһәрендә яшәүче, чыгышы белән Югары Сәрдә егете Хәйруллин Нияз Ильяз улы мәчетне ремонтлауга ярдәм итүгә алынды: үз акчасына төзелеш материаллары сатып алып, кирәкле эшчеләрне әлеге эшкә җәлеп итте.
Мәчетнең ике як фасады, кәрнизләре, керү верандасы өр-яңадан ясалды һәм башка ремонт эшләре башкарылды. Әлеге олы һәм изге эшне теләп, куанып башкара ул! Шулай ук Радиль белән Динар да үзләренә караган эшләрне җиренә җиткереп башкардылар. Изгелек беркайчан да онытылмый. Илебезгә тынычлык килеп, мәчетебездә шатлыклар белән очрашып торырга, иман нурлары белән куәтләнеп, иминлектә-саулыкта гомер кичерергә насыйп булсын
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев