Казан табиблары алты яшьлек баланың каш өстендә чыгып торган шешен кисеп алган

Республика балалар клиник хастаханәсенең офтальмология бүлегендә табиблар 6 яшьлек малайның битендә каш өстендә чыгып торган шешне кисеп алган.

Бу хакта хастаханәнең матбугат хезмәтендә хәбәр иттеләр.

Баланың ата-анасы табибларга мөрәҗәгать иткән һөм улларының каш өстендә кечкенәдән бер шеш булуын әйткән. Магнит-резонанс томография һәм башка тикшерү процедураларын уздырганнан соң, табиблар шешне хирургия юлы белән алу турында карар кабул иткән. Операцияне бүлек мөдире Фәрит Гыйльманов уздырган. Шеш тамырыннан кисеп алынган. Операция уңышлы узган. Хәзерге вакытта бала табиблар күзәтүендә. Аның хәле тотрыклы дип бәяләнә, тернәкләнү процессы уңышлы уза.

Татар-информ