Казанда 18 яшьлек егет ир-атны пычак белән кадап үтергән
Егет 49 яшьлек ир-атка биш тапкыр пычак белән кадаган, шуннан соң зыян күрүче алган җәрәхәтләрдән үлгән.
Казан үзәгендә 18 яшьлек егет ир-атны пычак белән кадак үтергән.
Элегрәк социаль челтәрләрдә әлеге фаҗига Борһан Шаһиди урамында булган дип хәбәр иткәннәр иде. Егет 49 яшьлек ир-атка биш тапкыр пычак белән кадаган, шуннан соң зыян күрүче алган җәрәхәтләрдән үлгән.
«Татар-информ» га билгеле булганча, һөҗүм итүче исерек булган – аны урында ук тоткарлаганнар. Җинаять эше кузгатылган.
Егеткә 15 елга кадәр ирегеннән мәхрүм ителү яный. Якын арада суд аңа карата чик кую чарасын сайлаячак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев