Күәм урта мәктәбендә 1-4 сыйныф укучылары «Ашыт» тыюлыгы хезмәткәрләре белән очраштылар

20 январь көнне табигать белеме һәм әйләнә-тирә дөнья атналыгы кысаларында 1-4 сыйныф укучылары "Ашыт" тыюлыгы хезмәткәрләре белән очраштылар. Алар укучылар өчен экологик лекция үткәрделәр, анда кыш көне кошларга ничек ярдәм итә алуыбыз турында сөйләделәр.

Очрашу бик җанлы һәм файдалы булды. "Ашыт" тыюлыгы хезмәткәрләре балаларга кызыклы фактлар сөйләделәр, кошларның төрлелеге, аларның кышкы тормыш рәвеше белән таныштырдылар. Укучылар үзләрен кызыксындырган сорауларны бирделәр, аларга бик теләп җавап кайтардылар.

Экологик лекция барышында балалар кыш көне кошларны ничек ашатырга кирәклеге, нинди җимнәр бирергә ярамаганлыгы турында белделәр. Алар кошлар өчен җимлекләр ясауның мөһимлеге, аларның тормышын саклауда һәркемнең өлеше булырга тиешлеге турында аңладылар.

Очрашу ахырында укучылар "Ашыт" тыюлыгы хезмәткәрләренә зур рәхмәтләрен белдерделәр. Андый чаралар балаларда табигатькә мәхәббәт тәрбияли, әйләнә-тирә дөньяга сакчыл караш булдыра.