Махсус операциядәгеләр машина йөртү таныклыгын алыштырганда пошлинадан азат ителә ала
Мондый инициатива белән Дәүләт Думасының бюджет һәм салымнар комитеты рәисе урынбасары Каплан Панеш чыгыш ясады.
Махсус хәрби операциядә катнашучыларны машина йөртү таныклыкларын планлы алыштырганда дәүләт пошлинасын түләүдән азат итәргә тәкъдим иттеләр. Мондый инициатива белән Дәүләт Думасының бюджет һәм салымнар комитеты рәисе урынбасары Каплан Панеш чыгыш ясады.
Парламентарий билгеләп үткәнчә, хәзер махсус хәрби операциядә катнашучылар машина йөртү таныклыгын алыштырганда пошлина түләүдән аны югалткан яки бозылган очракта гына азат ителә, ә документның стандарт гамәлдә булу вакыты чыкканда ташлама кулланылмый.
«Бу хокукый тәңгәлсезлекне бетерергә кирәк дип саныйм. Безнең яклаучыларга ярдәм итү мантыйгы бердәм һәм эзлекле булырга тиеш», - дип белдерде Панеш «РИА Новости» белән әңгәмәдә.
Аның сүзләренчә, әгәр дәүләт машина йөртү таныклыгын югалткан хәрби хезмәткәргә ярдәм кулы суза икән, гамәлдә булу вакыты чыккан документны планлы алыштырганда да шундый ук ярдәм күрсәтелергә тиеш.
Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев