Ноябрь аенда кыска эш атнасы булачак

Бу 4 ноябрьдә Халыклар бердәмлеге көнен бәйрәм итү белән бәйле.

Бәйрәм алдыннан, Россия Хезмәт кодексының 95 маддәсенең 1 өлеше нигезендә, 3 ноябрьнең эш көне 1 сәгатькә кыскарачак, дип хәбәр итә ТР Хезмәт, мәшгульлек һәм социаль яклау министрлыгыныңматбугат хезмәте.

Шулай ук 6 ноябрьдә Татарстан Конституциясе көне билгеләп үтелә. Быел бәйрәм якшәмбегә туры килә. Әмма, төбәк законнары нигезендә, ял көннәре һәм бәйрәм көннәре бер көнгә туры килгәндә, өстәмә ял көне бирелми.

Шулай итеп, татарстанлылар өч көн рәттән – 4, 5 һәм 6 ноябрьдә ял итәчәк.

Бу хакта тулырак: https://tatar-inform.tatar/news/noyabr-aenda-kyska-es-atnasy-bulacak-5861690