Россия Тикшерү комитеты Кырым күперендәге теракт турында җинаять эше кузгатты
Россия Тикшерү комитеты Кырым күперендә булган теракт турында җинаять эше кузгатты. Бу хакта мәгълүмат Россия Тикшерү комитеты Телеграм-каналында чыкты.
«Тикшерү мәгълүматлары буенча, 17 июль төнендә Украинаның махсус хезмәтләре тарафыннан кылынган террорчылык акты нәтиҗәсендә Кырым күперенең бер секциясе зыян күргән. Күпердән җиңел автомобильдә барган ир-ат һәм хатын-кыз һәлак булган, аларның балигъ булмаган кызы җәрәхәтләр алган», диелгән хәбәрдә.
Җинаять эше кысаларында экспертизалар билгеләнгән. Тикшерү әлеге җинаятьне оештыруга һәм башкаруга катнашы булганнарны ачыклый.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев