Шәһәр мэры Илсур Метшин туризмны үстерү комитетының яңа директорын тәкъдим итте

Шәһәр мэры Илсур Метшин эшлекле дүшәмбе вакытында Башкарма комитетка туризмны үстерү комитетының яңа җитәкчесе Александр Шавлиашвилины тәкъдим итте. Шәһәр башлыгы билгеләп үткәнчә, чиновник эшчәнлеге, Казандагы тормыш кебек үк, Шавлиашвили өчен яңалык булачак  –  элегрәк ул үзен Санкт-Петербургтан уңышлы эшмәкәр буларак күрсәткән иде.

- Александр Шавлиашвилиның барысы да яхшы барыр дип өметләнәбез. Хәзер безнең туристлык тармагына  иң амбициоз планнарны тормышка ашырырга кирәк. Без аларны конкурс вакытында игътибар белән тыңладык, һәм алар безнең башкалабыз һәм республикабыз халкының өметләре һәм амбицияләре белән туры килә, — дип өстәде Метшин киңәшмәнең төп темаларына күчәр алдыннан.

Исегезгә төшерәбез, Шавлиашвили 2030 елга Казанда алты миллион туристка ирешү максатын куйды. Ул гына да түгел, әлеге күрсәткечне ул үсешнең иң югары ноктасы итеп түгел, ә республиканың туристлык тармагы өчен яхшы башлангыч нокта итеп күрә.