Сайлау вакытында Әтнә районында барысы 496 кешегә гриппка каршы прививка ясалган

Территориаль сайлау комиссиясеннән алган мәгъ­лүматлар буенча сай­лау­чыларның 95,90 проценты сайлауларда катнашкан. Беренче тапкыр 68 егет һәм 65  кыз үзләренең гражданлык бурычларын үтәгән. 
Сайлаучыларның 96,13 про­центы тавышларын Рөстәм Миңнехановка («Бердәм Россия») бирде. Хафиз Миргалимов (КПРФ) – 2,06 процент, Виталий Смирнов («Социаль гаделлек өчен Россия Пенсионерлар Партия­се») – 0,73 һәм Руслан Йосыпов (ЛДПР) 0,71 процент тавыш җыйган.
Сайлаулар тыныч узды һәм район халкы актив булды. Бу көнне барлык сайлау участок­ларында да грипп­ка каршы вакцина ясау мөмкинлеге дә булды. Барысы 496 кешегә прививка ясалган.