Татарстанда бензин тагын да кыйммәтләнде

Татарстанстат статистикасы буенча, барыннан да бигрәк АИ-98 маркалы бензин кыйммәтләнгән. Аның бәясе 80 тиенгә артып, бер литры 72,21 сумга җиткән.

АИ-95 маркалы бензинның бер литр бәясе 7 тиенгә үсеп, 54,63 сум тора.

Ягулыкның калган төрләре 1 тиенгә кыйммәтләнде. Әйтик, АИ-92 маркалы ягулык литры өчен 50,38 сумга кадәр, ә дизель ягулыгы литры өчен 61,16 сумга кадәр арткан.

Татар информ