Техникум студенты уңышка иреште

Уку йорты уңышлары турында газета битләрендә гел чагылдырып барабыз — куанабыз, горурланабыз! 

Бу юлы техникум студенты Россия күләмендә II урын яулады. Көндәшләре җитди булуга карамастан, уку йорты студенты Илдан Сафин «Профессионаллар-2023» Россия чемпионатының «Сәнәгать бакчачылыгы» компетенциясенең сайлау (төбәкара) этабында әнә шундый уңышка ирешә. Һөнәри осталык буенча узган бу бәйгедә аның җитәкчесе, эксперт-остазы, укытучы Рөстәм Сөнгатуллинның роле зур.

Чемпионат исә, КБР — Кабардино-Балкария республикасында, агросәнәгать көллияте базасында 23-28 июль көннәрендә уза. Илдан Сафин Россиянең төрле өлкәләреннән килгән көндәшләре арасында югалып калмый, бәйгеләрнең һәрберсендә яхшы нәтиҗәләр белән сокландыра.