“Уылдык” операциясе уза

Идел-Каспий бассейны өчен балык тоту кагыйдәләре нигезендә, агымдагы елда Татарстан өчен тыелган сроклар 5 июньгә кадәр дип билгеләнә. Республика акваторияләрендә сәнәгать балыкчылыгына тулы тыю кертелә. Балык тоту кагыйдәләрен бозган өчен административ һәм җинаять җаваплылыгы да яный. Шунысын да билгеләп үтәргә кирәк, һәвәскәр рәвештә балык тоту өчен бер калкавычлы яки ярдан торып “донная удочка” кулланырга рөхсәт ителә, ыргаклар саны аның берсендә 2 данәдән артык булмаска тиеш.