"Безне онытырга мөмкин түгел!.." - Нәзифә һәм Айгөл истәлегенә футбол бәйгесе

Чәчәктәй гомерләр өзелә,

Бик иртә киселә язмышлар...

Күкләрдә языла, диләр бит,

Анда да бар ахыры ялгышлар...

    Ленар  Әгъләм улы Корбанов җитәкчелегендә  12 августта яшьләр  Нәзифә Шакирҗан  кызы Халикова  һәм Закирова Айгөл Айрат кызының якты  истәлегенә футбол турниры уздырачак. 

Кызларыбыз өч ел элек Әтнәдәге футбол ярышыннан кайтканда һәлак булдылар. Урыннары оҗмахта булсын. Аларны хәтерләтеп,  Яңа Шашы авылына кергәндә Ике күбәләк монументы тора.

Бәйгене оештыручы Ленар Әгъләм улы Казан шәһәрендә яши. Өйләнгән, ике кыз үстерә.