Бер хатын-кыз танышын кыйнап үтергән

Июль аеның соңгы көннәренең берсендә Чаллыда коточкыч җинаять кылынган. Яңа шәһәрнең 52нче бистәсендәге бер фатирда хатын-кызлар спиртлы эчемлекләр эчкәннәр. Берара алар арасында бәхәс чыккан. 

41 яшьлек хатын-кыз шешәдәшен каты кыйнаудан да тайчынмаган.  Нәтиҗәдә зыян күрүче алган җәрәхәтләрдән урында җан биргән.
Үтерүдә шикләнүче хатын-кызның берничә тапкыр хөкем ителүе мәгълүм. 

Аны хокук саклау органнары хезмәткәрләре тоткарлаган. Аңа карата РФ Җинаятьләр кодексының 111нче маддәсе 4нче бүлеге буенча җинять эше кузгатылган. Ул саксызлык аркасында кеше үтерүдә шикләнелә. 

Шәһри Чаллы