Хәвеф-хәтәр
Казанда такси машинасы җәяүлеләр кичүендә 14 яшьлек кызны бәрдергән
Казан Дәүләт автоинспекциясендә хәбәр итүләренчә, юл-транспорт һәлакәте яңа елның беренче көнендә 13.50 сәгатьтә булган.
Түбәсендә такси шашкасы куелган KIA Rio автомобиле руле артында Татарстанның Биектау районында яшәүче 56 яшьлек кеше булган. Ир-атның машина йөртү стажы 28 ел.
Юл һәлакәте видеога эләккән. Видеодан күренгәнчә, такси машинасы Габишев урамы буйлап Сафиуллин урамына таба хәрәкәт иткән. Җәяүлеләр кичүенә килеп җиткәч, машина туктамаган һәм кызны үткәрмәгән.
Кызны ашыгыч рәвештә хастаханәгә алып киткәннәр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев