«Нижнекамскнефтехим » да шартлауда бер кеше һәлак булган һәм 52 кеше зыян күргән

Җиһазлар эшләмәү һәм аннан соң чыккан янгын аркасында бер кеше һәлак булган, ә кимендә 52 кеше төрле дәрәҗәдә җәрәхәтләр алган.

Предприятие җитәкчелеге һәлак булучының гаиләсенең кайгысын уртаклаша. Аның гаиләсенә матди ярдәм күрсәтеләчәк. Шулай ук хәзерге вакытта төрле авырлыктагы 50 зыян күрүче турында билгеле, аларга кирәкле медицина ярдәме күрсәтелә.

Мәйданчыкта янгынны сүндерү дәвам итә, Россия гадәттән тыш хәлләр министрлыгының 60тан артык шәхси составы һәм 19 берәмлек техникасы җәлеп ителгән.

Аккредитация узган лабораторияләр белгечләре тарафыннан атмосфера һавасының сыйфаты мониторингы алып барыла, халыкка һәм экологик хәлгә куркыныч янау теркәлмәгән. Мониторинг нәтиҗәләре предприятие сайтында һәм рәсми социаль челтәрләрдә бастырылачак",-дип хәбәр иттеләр предприятие матбугат хезмәтендә. Бу хакта Татмедиа  макс каналында хәбәр итә