Янгын бернәрсәне дә аямый
Янгыннарның артуы һәм торак секторда кешеләрнең үлүенә бәйле киеренкелекнең объектив сәбәпләренә торак фондның югары дәрәҗәдә тузганлыгы, торак биналарның янгын турында кешеләргә хәбәр итү чаралары, беренчел янгын сүндерү чаралары белән түбән тәэмин ителешен кертергә кирәк.
Дәүләт янгын күзәтчелеге органнары тарафыннан торак секторларда үткәрелгән янгыннар статистикасы шуны күрсәтә: янгыннар имин булмаган гаиләләрдә, күп балалы гаиләләр һәм ялгыз өлкән яшьтәге гражданнар яши торган йортларда ешрак барлыкка килә. Бүгенге көндә гаилә иминлеге шактый киң таралган күренеш, янгыннарда социаль адаптацияләнмәгән һәм ялгыз гражданнар, шулай ук асоциаль яшәү рәвеше алып баручы, спиртлы эчемлекләр кулланучы гражданнар үлә.
Янгынның сәбәпләре төрле булырга мөмкин, ләкин кешеләр исерек хәлдә булса, янгыннан котылу мөмкинлеге бик аз. Исерткеч эчемлекләрне артык кулланмагыз, янгын хәвефсезлеге кагыйдәләрен үтәгез, өйдә тартмагыз, үзегезнең йортыгызда һәм каралтыда янгынга каршы торышны тикшерегез. Электр приборларын караучысыз калдырмагыз. Берничә көнкүреш приборын бер розетка белән тоташтырып, электр челтәренә артык көчәнеш ясамагыз. Җылыту мичләренең һәм төтен юлларының төзеклеген күзәтеп тору зарур. Янгын вакытында күп кеше югалып кала һәм уйланылмаган эшләр башкара. Хәтта, янган йортка кире керү очраклары да күзәтелә.
Янгынны вакытында ачыклау өчен өйләргә янгын белдергечләр урнаштырыгыз. Янгын чыккан очракта алар ут чыгу турында хәбәр итәчәк, төнге вакытта уянырга ярдәм итәчәк. Ут беркемне дә аямый. Янгын вакытында 01,101, 112 телефоннарына шалтыратырга мөмкин.
Ильяр Гыймадиев, Арча һәм Әтнә районнары буенча янгын күзәтчелеге бүлеге өлкән инспекторы
Следите за самым важным и интересным в Telegram-каналеТатмедиа
Нет комментариев