Үләнне яндырырга ярамый

Көз аена да кердек.

Бу чорда үләннәр бик нык кибә. Һәм кипкән үлән янгын куркынычы тудыра. Шуңа күрә ут белән саксыз эш итү җитди янгыннарга китерергә мөмкин. 
Участокларда, контейнерларда һәм ачык территориядә чүп-чар яндырган өчен җа­вап­лылык каралган, шул хакта кисәтеп үтәсе килә. Участок­ларда һәм кырларда коры үлән яндыру, тиешле булмаган урыннарда тәмәке тарту һәм сүндерелмәгән тәмәке төпчеге ташлап калдыру катгый тыела. Бик зур үте­неч булып, балаларның ут белән уйнавын кисәтү тора. Әгәр дә каядыр коры үлән, чүп-чар яки учак яну очрагын күрсәгез һәм үз көчегез белән ян­гынны җиңә алмасагыз, тиз арада янгын сүндерүчеләрне чакыртырга кирәк. Барлыкка килгән чүп-чар яндырылырга түгел, ә чүплеккә салынырга тиеш. Көздән янгын куркынычы зур булган коры үләнне язгы-җәйге чорларда вакытында чабарга кирәк.   
Аеруча игътибарны  урман массивлары янәшәсендә урнашкан, шулай ук дача хуҗалыкларына бирелә торган торак пунктларга юнәлтергә кирәк. Бакчачылыкта, яшел­чәчелектә, урман ки­шәр­лекләрендә эшләүче һәркемгә янгынга каршы чараларга аерым игътибар бирү кирәк.
Раил Гыйльмуллин,  Арча һәм Әтнә районнары буенча  янгын күзәтчелеге бүлеге җитәкчесе.