Бруцеллез чиреннән сакланыгыз, теләсә кайдан Корбанга сарык сатып алмагыз

Беренче очрак Яна Чишмә районында булды. Безнең Әтнә районында 21 ноябрьдә Тукай хуҗалыгында чыкты. Барлык терлек юк ителде. Бруцеллез авыруы бу 2 очрак белән генэ туктамады, Кайбыч, Зеленодол һәм Сарман районнарында теркәлде. 16 июньдә Корбан бәйрәме үтәчәк. Куп кеше Корбанга сарык чала. Ә сарыктан кешегә ияргән бруцеллез чире иң хәтәре. Белгәнегезчә Әтнәдә бруцеллез чире белән Тукай хуҗалыгында эшләгән хезмәткәрләр һәм мал табиблары да авырды. Шушы авырудан сак булу йөзеннән Корбанга сарыкларны теләсә каян алу дөрес булмас. Килеп сатучылардан ветеринар документларны сорарга киңәш итәбез. Анда төп таләп итеп бруцеллезга тикшеруе булырга тиеш. Аеруча чит регионнардан кайткан сарыкларны алырга тырышмагыз. Үзегезне һәм якыннарыгызны бу чирдән саклагыз.
Шагиев Салих - мал табибы.