"Сәхнәдәш" яңа премьера тәкъдим итте

"Сәхнәдәш" театр коллективы Габдулла Тукай исемендәге Әтнә татар дәүләт драма театрының кече залында Раилә Мөхсинованың "Практикантлар килгән безгә" пьесасын сәхнәләштерделәр. Пьеса уку вакытында практикага кайткан яшь кыз һәм укучы балаларның мөнәсәбәтен чагылдыра. Үсмерләрнең үзара сөйләшүе дә табигый тел белән язылган. Укытучыны ихтирам итәргә аларны җыештыручы Сәрия апа өйрәтүе дә кызык. Балалар да практикант кызны аңлый, аны кызгана, хәленә керә башлыйлар...