Пластик тәрәзәләргә заказ биргәндә ничек алданмаска?

Йортны төзеп куйганнан соң да, башкарасы эшләре бик күп. Мәсәлән, пластик тәрәзәләр куярга уйлаганда, нәрсәләргә игътибар итәргә кирәк? Кулланучылар авыр хәлләргә юлыкмасыннар дигән максатны күздә тотып, бу мөһим сорау белән Татарстан Республикасы Дәүләт алкоголь инспекциясенең Арча территориаль органының эчке базарны үстерү һәм координацияләү бүлеге житәкчесе Ләйсән Абдуллинага мөрәҗагать итәргә булдык.

Һәм ул кулланучылар кануннарына нигезләнеп киңәшләрен бирде:

– Дөрестән дә, тәрәзәләргә заказ бирү – җитди карар, бигрәк тә урнаштыру белән бәйле булган мәсьәләләрне исәпкә алганда. Еш кына кешеләрдән бу мәсьәлә буенча төрле тормыштан алынган, мисаллар ишетелә. Шуның өчен игътибар итәргә кирәкле шартларга тукталып узасы килә. Беренче адым: компанияне дөрес сайлау Бүгенге көндә компанияләр күп һәм сайлау мөмкинлеге дә зур.

Биредә реклама төп рольне уйный. Фирмаларның реклама материалларына игътибар итегез, офисларга керегез һәм берничә компаниянең тәкъдимен өйрәнегез. Намуссыз оешмалардан качу өчен интернет һәм танышларыгызның киңәшләрен кулланыгыз.

2 адым: шартнамә төзү Кызганычка каршы, кулланучыларның яртысыннан артыгы килешүнең мөһим пунктларын игътибарсыз калдыра. Бу соңыннан проблемаларга китерә.

Шартнамә язмача һәм ике нөсхәдә төзелергә тиеш. Ике нөсхәне дә чеклар белән бергә гарантия срогы ахырына кадәр саклагыз. Түбәндәге шартларны исәпкә алу мөһим:

– килешү предметы;

– заказның гомуми бәясе;

– аванс күләме;

– эшләрне башкару сроклары;

– конструкция материалы.

3 адым: үлчәүче эше Үлчәүләр бары тик сайланган фирма белгечләре тарафыннан гына башкарыла. Алар төрле факторларны, шул исәптән стеналар материалын, катларны һәм уемнарның үзенчәлекләрен исәпкә ала. Бу тәрәзәләрне дөрес урнаштыру өчен мөһим.

4 адым: тәрәзәләрне урнаштыру Җайланманы фирма үзе яки субподряд килешүе буенча башкарырга мөмкин. Һәрхәлдә, дәг ъв алар өчен хок укый нигезләр булсын өчен, аерым килешү төзегез.

Гарантияле срок – компаниянең ышанычлылык күрсәткече. Консультация ярдәме алу өчен безгә, Татарстан Республикасы Дәүләт алкоголь инспекциясенең Арча территориаль органына мөрәҗәгать итәргә яки кайнар линия телефоны 8(84366) 3-28-93 шалтыратыгыога кирәк.

Безнең киңәшләргә игътибар итсәгез, сатып алу эшләрегез уңышлы булыр дип өметләнәм.

– Җавапларыгыз өчен рәхмәт. Һәркемнең эше у