Түбән Бәрәскә һәм Олы Мәңгәр мәдәният йортларында «Ура, Авылга!» проекты зур бәйрәмгә әверелде

15-19 июль көннәрендә Р.Бикчәнтәев ис.Түбән Бәрәскә һәм Олы Мәңгәр мәдәният йортларында «Ура, Авылга!» проекты зур бәйрәмгә әверелде. Әлеге проектта 7-17 яшьлек балалар катнашты.
Проект барышында балалар өчен төрле чаралар оештырылды:
· Спорт ярышлары (эстафеталар, көч, тизлек һәм командада эшли белү бәйгеләре);
· Иҗат бәйгеләре;
· Татарча биюләр (заманча хитлар да, халык көйләре дә яңгырады)
· Тематик дискотека
· Театр сәнгате буенча осталык дәресләре;
· Милли гореф-гадәтләр, тел һәм тарихны өйрәнү.
Бу проект балаларга милли традицияләрне саклау, яңа дуслар табу һәм авылда җәйне күңелле, файдалы үткәрү мөмкинлеге бирде.