1169 укучыга белем бирәләр

Безнең районда барысы 12 мәктәп бар. Әлеге мәктәпләрнең бишесе – урта, җидесе төп мәктәп исәпләнә. Әйтергә кирәк, исеме әледән-әле үзгәреп торуга карамастан, җисеме шул ук кала бирә. Шушы мәктәпләрдә бүгенге көндә районның 208 укытучысы укучыларга белем бирә. Алар арасыннан 56 укытучы югары категорияле. Моннан тыш 129 укытучы I категорияле санала. 2022/2023 уку елында алар 1169 укучыга белем бирәләр. Укытучыларыбызның һөнәри сыйфатларына караганда, укучыларыбызның киләчәктә уңышлы шәхесләр булуына шик юк.