Бүген туган тел көне

Шул уңайдан Әтнә үзәк балалар китапханәсе туган телебезгә карата мәхәббәт, горурлык хисләре тәрбияләүне максат итеп, «Иң гүзәл тел – туган тел» дип аталучы китапханә сәгате үткәрде. Олы Әтнә урта мәктәбенең 2 нче «В» сыйныф укучылары туган телебез турында бик матур итеп шигырьләр сөйләделәр. «Мәкаль әйтәм, дәвам ит», «Уйла һәм әйт» уеннары аеруча да кызыклы булды. Китапханә сәгате «Туган тел» җыры белән тәмамланды.