“Чулпан” балаларны каршы алды

Җәй ул балаларны тәрбияләү, аларны төрле чараларга җәлеп итү өчен менә дигән вакыт. Бу – уку елы дәвамында арыганнарны бетерү, яңа көч туплау, сәламәтлекне ныгыту, балаларның иркенләп бер-берсе белән аралаша торган чоры.
Каенсар урманында урнашкан “Чулпан” лагере Сабантуйлардан соң, балалар өчен ишекләрен ачты. 
Атна башыннан, 8 июньнән лагерьнең беренче сменасы эшли башлады. Биредә барысы 126 бала ял итәчәк. Лагерьда Әтнәдән генә түгел, Биектау, Арча районнарыннан, Казан шәһәреннән дә балалар килгән. 1 смена 25 июньгә кадәр дәвам итә.