Әниләр бәйрәме булып узган

Авыр чакларыбызда да, шатлыклы минутларыбызда да без әниләребезнең җылы кочагына сыенабыз. Әниләрнең йөрәк җылысы, “Балам!” дип эндәшкән ягымлы сүзләре безгә яшәргә көч бирә. ​ Йомшак куллары белән башыңнан бер сыйпап узса, бөтен авыруларың, борчуларың беткән кебек була. Әнә шундый тылсымлы, бөек көчкә ия ул- ана дигән изге зат.
Бүген, балалар бакчасына йөрүче мәктәпкә хәзерлек 2 төркеме балалары “Йөрәгемдә әнием!” исемле бәйрәм чарасы уздырдылар. Бәйрәмдә әниләренә багышлап шигырьләр сөйләделәр, җырлар җырладылар, биюләр башкардылар.