Мәктәпкәчә яшьтәге чорда балаларда тере табигатькә карата кызыксыну уяту, аңа мәхәббәт тәрбияләү, әйләнә-тирә дөньяны сакларга өйрәтү бик мөһим.
Олы Әтнә балалар бакчасының 2 нче Зурлар төркемендә балаларның кошлар турындагы белемнәрен тулыландыру максатыннан "Кошлар-безнең дусларыбыз" тематик атналыгы үтте. Балалар белән “Күчмә һәм кышлаучы кошлар», “Кошларга ничек ярдәм итәргә?” темаларына әңгәмәләр үткәрелде. Атна дәвамында балалар дидактик һәм хәрәкәтле уеннар уйнадылар, табышмакларга җаваплар таптылар, матур әдәбият әсәрләре белән таныштылар. Балалар һәр көнне җимлеккә җим салып, кошларны куандырдылар. Атналык барышында балаларның кошлар турындагы белемнәре артты, кызыксынучанлык һәм иҗади сәләтләре формалашты.
Нет комментариев