Сөйләм уеннары балаларга файдалы

Балаларның шөгыль белән кызыксынуларын арттыру өчен төрле иҗади биремнәр, дөрес әйтелешне ныгыту күнегүләре һәм әлбәттә уеннар кирәк. Сөйләм кимчелеге булган балаларның тиз арыганлыгын, игътибарның тотрыксызлыгын исәпкә алып, дәрес дәвамында эшчәнлек төрләрен һәм уен технологияләрен үзгәртергә кирәк. Сүзләрне автоматлаштырганда балаларга "Робот Роберт" белән уйнау бик ошый. Сөйләм уеннары һәм күрсәтмә әсбаплар куллану берьюлы берничә проблеманы чишәргә мөмкинлек бирә: ару-талуны киметү; баланың эмоциональ кызыксынуын арттыру; балада дөрес аваз әйтелешенә омтылыш уяту; психик процессларны активлаштыру: игътибар, күрү һәм ишетү, хәтер һәм уйлау.