Аларның Фәрите бар

"Аллага шөкер, безнең Фәритебез бар. Кыш буе чиста юлдан йөртте, әле дә шулай, юллардагы йомшаган карны, чистартып чыга. Кыш көне ул булмаса нишләр идек. Рәхмәт "Шахтер" хуҗалыгына Югары Сәрдә өчен бер трактор тотты. Тракторчысы- үзебезнең Фәрит Идрисов. Авылны кыш буе кардан чистартты. Төн димәде, кар яуса, уннарда да чыгып китте. Аз гына кар яуса да бөтен авыл юлларын чистартып чыга иде..."- диләр Югары Сәрдәләр.

Ихлас куана беләләр, кибет булганына да сөенәләр, ипигә күрше авылга барасы юк. Мәдәнит йорты эшләп тора. "Җәен җәннәт почмагы инде бездә, җиләккә килегез", диләр. Бердәмлеккә ни җитә...