Арыда ифтар ашы уза

14 июньдэ Ары авылы мәдәният йортында ифтар ашы узачак.

"Рамазан аен зурлап, әлеге чараны уздыру өчен хуҗалыгыбызның киңәшчесе, аксакалыбыз Наил абый Сабиров финанс ярдәме күрсәтте. Авылдашларның хөрмәтен яулаган Фәйзрахманова Гүзәлия камыр ризыклары пешерәчәк. Сәдака өләшүне мәчет үз өстенә алды...", - дип хәбәр иттеләр Арыда яшәүче хәбәрчеләребез.

Калган саваплы ризыкны да әрәм итмиләр алар. Анысына авылдагы балаларны чәйгә дәшеп, "Әхлак дәресе" уздыралар. Участок инспекторын да, укытучыларны чакыру да күздә тотылган.