(Казан, 21 октябрь, "Татар-информ"). Иглин авылында мәктәп укучыларына өч сменада укырга туры килә. Бу хакта "Башинформ" язып чыккан.
Журналистларга өч сменалы уку турында җирле хакимияттән ярдәм сораудан арган ата-аналар бәян итә. Мәктәпнең үзендә исә өч сменалы уку булуын кире кагалар - мондый режим СанПин тәлапләренә каршы килә. Бары тик хәйләли белмәгән балалар гына хакыйкатьне ачып сала - өченче сменада уку өчен алар мәктәпкә сәгать өчтә килә икән.
Иглин авылында 60 меңнән артык кеше яши, аның тирәсендә микрорайоннар саны елдан-ел арта. Ә 4 меңнән артык балага барлыгы дүрт мәктәп туры килә. Ләкин җирле хакимиятләрнең белдерүенчә, районда булган мәгариф учреждениеләрендә балаларга урын җитәрлек.
Ата-аналарның сүзләренә караганда, яңа мәктәпне түрәләр башта Яңа Иглинда салырга вәгъдә иткән. Әмма ышандырылган җирдә әлегә бушлык хөкем сөрә. Күптән түгел кабат яңа хәбәр килгән: имеш, бу урында мәктәп төзелмәячәк икән.
Нет комментариев