Гадәттән тыш хәлләр министрлыгы Татарстанда көчле яңгыр һәм яшен турында кисәтә

17 июньдә Татарстанда төнлә һәм көндез секундына 15-20 метрга кадәр кыска вакытлы көчәючән җил белән көчле яңгыр һәм яшен булуы көтелә.

(Казан, 16 июнь, "Татар-информ"). Бүген Татарстанда 18.00 сәгатьтән соң, 17 июньнең 18.00 сәгатенә кадәр, һава торышы бозылу фаразлана, дип хәбәр итә Россия Гадәттән тыш хәлләр министрлыгының Татарстан буенча Баш идарәсе матбугат хезмәте.

Татарстанда төнлә һәм көндез секундына 15-20 метрга кадәр кыска вакытлы көчәючән җил белән көчле яңгыр һәм яшен булуы көтелә.
17 июньдә Татарстанда төнлә һәм көндез секундына 15-20 метрга кадәр кыска вакытлы көчәючән җил белән көчле яңгыр һәм яшен булачак, төнлә боз явуы ихтимал.

Һава торышы бозылганда урамда калсагыз, электр линияләреннән, агачлардан, реклама такталарыннан, витриналардан ераграк булырга тырышыгыз.
Ачык урында калсагыз, яшен вакытында җиргә, түбәнрәк урынга ятыгыз (комлы яки ташлы җир булса яхшырак). Янәшәдә елга, күл яки буа булмавы хәерле, аннан ераграк булыгыз.