Кытайда йөртүчесез автолар юлга чыккан - "Әтнә таңы"

Америкадан соң, Кытай юлларында да яңа төр таксилар барлыкка килде. Йөртүчесез такси әлегә тест формасында гына йөреп карады - 200дән артык кеше 18 автомобильдә йөреп карады.

Байду фирмасы автоларны радар, видеокамера һәм лидарлар белән баеткан. Автомобиль 60 км/сәг. Тизлек белән хәрәкәтләнә, кирәк булса юл полосаларының берсеннән икенчесенә күчә. Светофорларга туктый. Кызганычка каршы әлегә 3 километрдан күбрәк арага чыгармыйлар. Аның каравы руль артында утырган кешегә алга текәлеп барасы юк: кирәк икән ашап ала, яисә, үз эшләрен башкара ала.