Олы Мәңгәр тагын яңа китаплы

Ак көнләшү белән көнләшә торган авылыбыз бар. Ул да булса - Олы Мәңгәр, "Мәңгәр" хуҗалыгы.

Үзенең тарихын өйрәнгән, аны өйрәнеп кенә калмыйча китап итеп бастырып чыгарган, чыкканнары белән генә канәгатьләнмичә, аны тулыландырып, эзләнүне дәвам итеп яңаларын чыгара хуҗалык.

Хәбәрчебез Илсур абый Шакировның "Меңнәр иле Олы Мәңгәр" дип исемләнгән яңа китабы дөнья күрде. Китап "Яз" нәшриятында басылган, тиражы - 300. 280 битле. Каты тышлы.

Аннан алда гына авторның "Авылым Олы Мәңгәр" дип исемләнгән китабы чыккан иде. Бу китапта Олы Мәңгәр белән бәйле шәхесләр урын алган.