ОРВИ белән авыручылар Әтнәдә дә күбәйгәннән-күбәя

Соңгы ункөнлектә республикабызда грипп, ОРВИ, ОРЗ авыртулары белән чирләүчеләр күбәйгән иде.

Безнең Әтнә районында да авыручылар саны арта бара. 2 олы кеше пневмония диагнозы куелып, стационарда дәвалана.

Мәктәп яшендәгеләр, балалар бакчасына йөрүче балалар арасында да ОРВИ белән авыручылар артканнан-арта. 208 бала йөрүче Олы Әтнә балалар бакчасында 17 бала ОРВИ белән авырый иде. Бүген бу сан 22гә җитте.

- Әлеге бакчадагы бер группада чирләүчеләр аеруча күп. 27 баланың 13е ОРВИ белән авырый, бу 48 % тәшкил итә. Табиблар әлегесе вакытта карантин кертү-кертмәү мәсьәләсен хәл итәләр...- ди район үзәк больницасының табиб- эпидемиологы Азат Гыймадиев.