Татарстан бюджетына үзгәрешләр кертелә

(Казан, 21 сентябрь, «Татар-информ», Лилия Локманова). Бүген Татарстан Дәүләт Советы депутатлары республиканың бюджетына үзгәрешләр кертүне хуплады. Бюджетка кагылган үзгәрешләр хакында яңалыкларны парламент әгъзаларына Татарстан финанс министы Радик Гайзатуллин җиткерде.

Министр хәбәр итүенчә, 2017 ел бюджетының кертем өлеше 7015,6 млн сумга арта. Чыгым өлеше исә 5144,7 млн сумга артачак.

Бюджетның кертем һәм чыгым өлеше үзгәрү сәбәпле, бюджет кытлыгы да үзгәрешләр кичерәчәк. 2017 елда аның күләме 5 696,0 млн сум булыр дип фаразлана.

Чыганак: http://tatar-inform.tatar/news/2017/09/21/148714/