“Татарстан Кроссы-2017”

Яшьләр эше һәм спорт бүлеге сәламәт яшәү рәвешен пропагандалау, район халкын күмәк рәвештә спорт һәм физкультурага тарту, район җирлегендә спортны популярлаштыру максатыннан чыгып, 16 сентябрь көнне "Татарстан Кроссы-2017" күмәк ярышларын үткәрә. Ул 10.00 сәгатьтә башлана. Регистрация - 9.00дә. Әлеге чарада һәр оешмадан ике кеше һәм җитәкче катнашачак. Ярышлар ирләр һәм хатын-кызлар арасында 30 яшькә кадәр, 31дән 45 яшькә кадәр, 45 яшьтән өлкәнрәкләр арасында уза, VIP-йөгереш тә була. Бәйгене оештыручылар VIP-йөгерештә бары җитәкчеләр генә катнаша дип басым ясый. Хатын-кызлар өчен дистанция - 1000 метр, ир-атлар өчен - 2000 метр. Беренче, икенче, өченче урын алучыларны бүләкләр көтә. Белешмә өчен телефоннар - 2-10-48.