Татарстанлылар өч көн рәттән ял итәчәк

Халыклар бердәмлеге көне - 4 ноябрь шимбәгә туры килгәнлектән, дүшәмбегә, 6 ноябрьгә күчерелә.

(Казан, 30 октябрь, «Татар-информ»). Ноябрьдә татарстанлылар өч көн рәттән ял итәчәк. Бу хакта Татарстан Республикасы Хезмәт, халыкны эш белән тәэмин итү һәм социаль яклау министрлыгы матбугат хезмәте хәбәр итә.

Россия Федерациясе Хезмәт кодексының 112нче маддәсе нигезендә, 4 ноябрь - Халыклар бердәмлеге көне - эш көне булмаган бәйрәм көне санала. Шуңа бәйле рәвештә, 2017 елда ул ял көне - шимбәгә туры килә һәм дүшәмбегә - 6 ноябрьгә (Татарстан Конституциясе көне) күчерелә.

Шул рәвешле, биш көнлек эш атнасында 4, 5 һәм 6 ноябрьдә ял итәчәкбез, шул ук вакытта 3 ноябрьдә эш көне бер сәгатькә кыскарак булачак.

Чыганак: http://tatar-inform.tatar/news/2017/10/30/151327/