Әтнә балалары ял йортына китә

"Район хастаханәсе юлламасы белән опекага алынган, күп балалы , авыр хәлле , аз керемле гаиләләрдә тәрбияләнүче ун бала сәламәтлекләрен яхшырту максатыннан "Васильево" санаториясенә җибәрелде. "Мать и дитя" юлламасы белән китүчеләр дә бар. Шулай ук авыр хәлле гаиләләрдән дүрт бала әниләренең рөхсәте белән Саба районында урнашкан "Тургай" приютына озатылды. Алар җәйге ял чорында республиканың төрле санаторияларында ял итәчәкләр", - дип хәбәр итте балигъ булмаган балалар белән эшләү һәм бала хокукларын яклау буенча комиссиянең җаваплы сәркатибе Найлә Баһаветдинова.