Әтнә дәүләт драма театры 100нче сезонын ачты (фотоларда)

Әтнә дәүләт драма театры 100нче сезонын Сәет Шәкүровның "Туган туфрак" спектакле белән ачып җибәрде.

Бүген, 21 октябрь көнне дә әтнәләргә әлеге спектакльне карау мөмкинлеге бар. Ике сәгатьтән артык барган спектакле тамашасы тын да алмый карады. Спектакльнең башыннан алып ахырына кадәр артистлар белән бергә яшәде, елады, көлде, уйга калды. Сугыштан соңгы елларның авыл халкы өчен никадәр авыр булуын күрсәтеп, анда вакыйгаларны тамашачының күңеленә, җанына үтеп керерлек итеп тасвирлый алды режиссер Рамил Фазлыев. Ә артистларыбыз һәрвакыттагыча сокландырдылар. Афәрин!