Әтнәдә спартакиада дәвам итә

Район укучылары арасында барган спартакиада кысаларында кызлар арасында волейбол ярышлары төгәлләнде. Беренче урынга - Яңа Шашы, икенче урынга - Олы Мәңгәр мәктәбе, өченче урынга - Түбән Көек һәм дүртенче урынга - Олы Әтнә мәктәбенең кызлар командасы лаек булды.

Оешмалар арасында район буенча барган спартакиада кысаларында узган волейбол ярышларына да нокта куелды. Урыннар түбәндәгечә бүленде :

беренче урында - полиция бүлеге егетләре, икенче урында - мәгариф бүлеге, өченче урында - спорт мәктәбе егетләре һәм дүртенче урында мәдәният бүлеге волейболчылары командасы. Биредә шулай ук оешмалар арасында футбол буенча ярышлар башланып китте. Теләүчеләр һәм җанатарлар дүшәмбе, чәршәмбе һәм җомга көннәрендә кичке 18.00дән соң әлеге ярышларны карарга килә алалар.