Әтнәлеләргә 5 тәүлек арест бирелде

5 тәүлек арест

Хәрәкәт иминлеген саклаучы полиция хезмәткәрләре еш кына төрле кыенлыкларга дучар булалар, чөнки юл кагыйдәләрен бозучылар белән көрәшкәндә каршылык күрсәтү очраклары да очрый. "2015 елның 7 февралендә районыбызның Бәрәскә авылында булган шундый очрак буенча каршылык күрсәтүче затлар РФ Административ хокук бозулар турындагы кодексының 19.3 маддәсе буенча административ җавапка тартылдылар.Әтнә район суды аларга карата 5 тәүлеккә кадәр арест билгеләде", - дип хәбәр итәләр Әтнә полиция бүлегеннән. Шунысын да искәртик, әлеге каршылык күрсәтүче затларга карата җинаять эше дә ачылды, нәтиҗәсен соңрак хәбәр итәрбез.